Avropa Liqasının dördüncü təsnifat mərhələsində mübarizə aparan “Qarabağ” ciddi itki ilə üzləşib. Klubun mətbuat xidmətindən apasport.az saytına verilən məlumata görə, qitə miqyaslı yarışlarda Rəşad Sadıqovun xidmətindən yararlanmaq mümkün olmayacaq. Buna milli komandamızın kapitanının avqustun 12-də dünya çempionatının seçmə mərhələsində keçirilən Almaniya ilə oyun ərəfəsində məşqdə əzələsini qırması səbəb olub.

27 yaşlı müdafiəçi almaniyalılarla matça zədəli çıxıb. Qarşılaşmadan sonra həkim müayinəsindən keçən futbolçunun 4-5 həftə yaşıl meydanlardan kənar qalacağı müəyyənləşib. Buna görə də Sadıqov avqustun 20-də və 27-də Hollandiyanın “Tvente” klubu ilə oyunlarda iştirak edə bilməyəcək.

Qeyd edək ki, Rəşad “Qarabağ”ın heyətində cari mövsüm avrokuboklarda ən çox qol vuran (2 qol) iki oyunçudan biridir.

• “Liverpul”da ciddi itki
• Pol Poqba Fransa klubuna keçə bilər
• "Fənərbaxça" Bundesliqada çıxış edən futbolçunu istəyir
• Fransa millisində yeni kapitan
• İngiltərə millisində ilin futbolçusu seçilib