“Belarusa uduzduğumuz matç U-19-un indiyədək izlədiyim qarşılaşmaları arasında ən yaxşısı idi”. Apasport.az saytının məlumatına görə, bu sözləri Azərbaycanın 19 yaşlılardan ibarət milli komandasının (U-19) baş məşqçisi Bernard Lippert deyib.

Belarusun paytaxtı Minskdə yerli U-19-a minimal hesabla uduzan yığmamızın almaniyalı çalışdırıcısı AFFA-nın rəsmi saytına açıqlamasında yetirmələrindən razı qaldığını bildirib: “Komanda qol buraxana qədər çox yaxşı çıxış etdi. Onlar meydanda ağıllı oyun göstərirdilər, futbolçuların hərəkətlərində ideya var idi. Amma hücumda həlledici ötürməni vermək, son nöqtəni qoymaq heç cür alınmadı. Bununla belə, qeyd etməliyəm ki, toplanışdan-toplanışa komandamızın gücü artır”.

• “Liverpul”da ciddi itki
• Pol Poqba Fransa klubuna keçə bilər
• "Fənərbaxça" Bundesliqada çıxış edən futbolçunu istəyir
• Fransa millisində yeni kapitan
• İngiltərə millisində ilin futbolçusu seçilib