XVIII Premyer Liqada iştirak edən komandaların əvəzedici heyətlərinin çempionatında Bakının "İnter" komandası Yevlaxın "Karvan" klubunu 4:0 hesabı ilə məğlub edib. Peşəkar Futbol Liqasının mətbuat xidmətindən apasport.az saytına verilən məlumata görə, "Şəfa" stadionunun 4-cü meydançasında keçirilən görüşdə "İnter" Səbuhi İsmayılovun iki, Asif Mirili və Seymur Babayevin hərəyə vurduğu bir qolla turnirdə ilk qələbəsini qazanıb.