Subaşiç və yoldaşları lideri məğlub etdi
27.08.2009 - 12:06
Bakının “Neftçi” klubunun sabiq futbolçusu Branimir Subaşiç Çin çempionatında növbəti oyununu keçirib. Apasport.az saytının məlumatına görə, 27 yaşlı hücumçunun çıxış etdiyi “Çançun Yatay” ölkə çempionatının 19-cu turunda “Şandun” klubu ilə qarşılaşıb. Yarışın lideri ilə öz meydanında görüşən Subaşiçin komandası 4 oyunluq qələbə həsrətinə son qoyub. Meydan sahiblərinin 3:2 hesabı ilə qalib gəldiyi qarşılaşmada Branimir yalnız 88-ci dəqiqəsində meydana daxil olub. Bu qələbədən sonra xal hesabını 29-a çatdıran “Çançun Yatay” məğlubiyyətə baxmayaraq, liderliyini qoruya bilən “Şandun”dan 3 xal geri qalır. Subaşiç və komandası növbəti matçını avqustun 30-da səfərdə “Şensi”yə qarşı keçirəcək.
0
0