Azərbaycan klubları avrokuboklar tarixində 12-ci dəfə 2 oyunun ümumi hesabında 6 və daha çox top fərqi ilə uduzub. Apasport.az saytının məlumatına görə, Avropa Liqasının dördüncü təsnifat mərhələsinin cavab oyununda İsveçrədə “Bazel”ə 1:5 hesabı ilə uduzan “Bakı” ümumi nəticədə 2:8-ə üzülüb. Bu 2 oyuna əsasən, ikiqat böyük hesabın qeydə alındığı 12-ci dueldir.

Ən çox belə məğlubiyyətlər alan komanda “Qarabağ”dır. Ağdamlılar 3 dəfə rəqib qarşısında aşkar aciz olub. “Kəpəz” isə 2 dəfə bu acınacaqlı nəticəni yaşayıb. “Dinamo” dönəmini də nəzərə almaqla, “Bakı”da gəncəlilərə çatdı. Digər 5 klub isə 1 dəfə belə nəticə ilə üzləşib.

Qeyd edək ki, klublarımız belə uduzmurdu. Sonuncu dəfə 2001-ci ildə “Şəfa” Sloveniya təmsilçisinə 7 top fərqi ilə məğlub olmuşdu.

mövsüm	turnir	Azərbaycan təmsilçisi	Rəqib komanda	Ümumi hesab	hesablar
1998/99	Kuboklar kuboku	“Qarabağ”	“Kopenhagen” (Danimarka)	0:10	0:6, 0:4
1997/98	Çempionlar Liqası	“Neftçi”	“Vidzev” (Polşa)	0:10	0:2, 0:8
1996/97	UEFA kuboku	“Xəzri”	“Qutnik” (Polşa)	2:11	0:9, 2:2
1999/2000	İntertoto kuboku	“Qarabağ”	“Monpelye” (Fransa)	0:9	0:3, 0:6
1995/96	UEFA kuboku	“Kəpəz”	“Austriya” (Avstriya)	1:9	0:4, 1:5
1997/98	UEFA kuboku	“Qarabağ”	“Yablonets” (Çexiya)	0:8	0:5, 0:3
2001/02	UEFA kuboku	“Şəfa”	“Olimpiya” (Sloveniya)	0:7	0:4, 0:3
2000/01	UEFA kuboku	“Kəpəz”	“Antalyaspor” (Türkiyə)	0:7	0:2, 0:5
1994/95	UEFA kuboku	“Turan”	“Fənərbaxça” (Türkiyə)	0:7	0:5, 0:2
2009/10	Avropa Liqası	“Bakı”	“Bazel” (İsveçrə)	2:8	1:3, 1:5
2000/01	İntertoto kuboku	“Viləş ”	“Zaqlebiye” (Polşa)	1:7	0:4, 1:3
1998/99	UEFA kuboku	“Dinamo”	“Arceş” (Rumıniya)	1:7	1:5, 0:2

• De Xeanın qayıdışı - Son 8 ildə ilk... 
• "Benfika"nın səfər matçı təxirə salınıb
• "Barselona" Levandovskinin gələcəyi ilə bağlı qərar verib
• Poqbanın karyerasını harada davam etdirəcəyi məlum olub
• “Qalatasaray” qalib gəlib, “Beşiktaş” xal itirib