Azərbaycan milli komandası İqor Akinfeyevi Rusiya futbolunun tarixinə salıb. Apasport.az saytının məlumatına görə, 23 yaşlı Akinfeyev Rusiya milli komandasında 5 rəsmi oyun ardıcıl qol buraxmayan ilk qapıçı olub. Həmin görüşlər arasında milli komandamızla martın 28-də Moskvada keçirilən matç (2:0) da var.

Moskva MOİK-ində çıxış edən İqor Finlandiya (hər ikisi 3:0) və Lixtenşteynlə (1:0 və 3:0) oyunlarda da qapısının toxunulmazlığını qoruya bilib. O, sonuncu dəfə ötən ilin oktyabrında Almaniya yığması ilə səfərdə keçirilən rəsmi oyunda (1:2) qol buraxıb.

Qeyd edək ki, “Mançester Yunayted”in hollandiyalı əsas qapıçısı Edvin van der Sara əvəzləyici gözü ilə baxdığı Akinfeyevin yığmada “quru seriya”sı 512 dəqiqəyə çatıb.

• “Fənərbaxça”nın legioneri millidə zədələnib
• "Fənərbaxça" - "Zenit" matçında "rəhbərlik istefa" şüarları
• "Lion" 2-ci Liqaya düşürülür - ŞOK
• "Yuventus" Poqba ilə yollarını ayırıb - RƏSMİ
• Buffon ən yaxşı adına layiq görülüb