Almaniya və Azərbaycan yığmalarının görüşündə maraqlı ənənə yaranıb. Apasport.az saytının hesablamalarına görə, bu ölkənin milliləri arasındakı oyunlarda bir qayda olaraq 2:0 hesabı qeydə alınır. Özü də sevinən həmişə almanlar olur və onlar hər hissədə bir qol vurmaqla yadda qalırlar.

Almaniya ilə Azərbaycanın yığmalarının ilk görüşü 2006-cı il Avropa çempionatının seçmə mərhələ oyunları zamanı 21 yaşlılar səviyyəsində olub. Həmin vaxt yığmamız həm “Şəfa” stadionunda, həm də səfərdə keçirdiyi oyunda 0:2 hesabı ilə yenilib. İki ölkənin əsas yığmalar səviyyəsində də görüşündə də ənənə qırılmadı. Yəni almanlar avqustun 12-də milli komandamızı Tofiq Bəhramov adına Respublika stadionunda 2:0 hesabı ilə məğlub etdi. Maraqlıdır, bu ənənə sabah Hannover şəhərində keçiriləcək növbəti rəsmi oyunda da davam edəcəkmi?

• “Fənərbaxça”nın legioneri millidə zədələnib
• "Fənərbaxça" - "Zenit" matçında "rəhbərlik istefa" şüarları
• "Lion" 2-ci Liqaya düşürülür - ŞOK
• "Yuventus" Poqba ilə yollarını ayırıb - RƏSMİ
• Buffon ən yaxşı adına layiq görülüb