Dünya çempionatının seçmə mərhələsinin növbəti oyununda milli komandamızı qəbul edəcək Almaniya yığması tarixi ərzində 9 sentyabrda keçirdiyi bütün oyunlarda öz qapısından qol buraxıb. Apasport.az saytının hesablamalarına görə, Berti Foqtsun çalışdırdığı komandamız mövcud ənənələrin qırılmayacağı halda, Hannoveri xalsız, amma ən azı bir qolla tərk edəcək.

Bundestim 9 sentyabrda keçirdiyi qarşılaşmaların hamısında qalib gəlsə də, hər dəfə qapısında qol görüb. Bu tarixdə baş tutan görüşlərdə istisnasız qalibiyyətə sevinən almaniyalılar 5-ci dəfə həmin gün meydana ayaq basacaq. Millimiz isə indiyədək doqquzuncu ayın doqquzuncu günündə heç bir oyun keçirməyib. Əvəzində almanların bu tarixdəki son oyunu yığmamızın çalışdırıcısı Foqtsun dövrünə təsadüf edir. 1992-ci ildə Avropa çempionatının finalında Danimarkaya 0:2 hesabı ilə uduzan almanlar onları yoldaşlıq oyununa dəvət etdi. Elə həmin ilin sentyabrın 9-da Foqts şimallıları məğlub etməklə, finaldakı məğlubiyyətin əvəzini çıxdı. 17 il sonrakı sentyabrın 9-da isə Foqts həmyerliləri ilə əks tərəflərdədir.

Almaniya yığması sentyabrın 9-da

1934. Polşa - 5:2
1970. Macarıstan - 3:1
1987. İngiltərə - 3:1
1992. Danimarka – 2:1

• Türkiyə millisinin əfsanə futbolçusu reanimasiyaya yerləşdirilib
• Ronaldodan yeni rekord
• “Fənərbaxça”nın legioneri millidə zədələnib
• "Fənərbaxça" - "Zenit" matçında "rəhbərlik istefa" şüarları
• "Lion" 2-ci Liqaya düşürülür - ŞOK