“İndi hamı Rusiya yığması ilə oyunumuzdan danışıq. Ancaq bizim Azərbaycanla görüş də həddən artıq vacibdir”. Apasport.az saytının məlumatına görə, bu fikirləri Almaniya milli komandasının yarımmüdafiəçisi Tomas Hitslşperger deyib.

“Ştutqart” klubunda çıxış edən orta sahə oyunçusu Azərbaycan milli komandası ilə avqustun 12-də Bakıda keçirilmiş görüşdə əsas heyətdə meydana çıxıb. Bu dəfə yığmamızla ev oyununa hazırlaşan Tomasın sözlərinə görə, sabahkı görüş Rusiya ilə oktyabrın 10-da Moskvada keçiriləcək matçdan heç də az əhəmiyyətli deyil: “Azərbaycanla oyunda mütləq xal qazanmalıyıq. Əks təqdirdə, Moskvadakı oyun haqda heç düşünməyə də dəyməz. Çərşənbə günü Rusiya səfərdə Uelslə görüşəcək. Əlbəttə, turnir mövqeyi baxımından bizim komandanı bu oyun çox maraqlandırır. Ancaq hesab edirəm ki, biz ilk növbədə özümüzə güvənməliyik. Digər tərəfdən, biz də Finlandiya ilə heç-heçə etmişik. Belə olan halda, niyə ruslar da səfərdə xal itirməsin?”

• Türkiyə millisinin əfsanə futbolçusu reanimasiyaya yerləşdirilib
• Ronaldodan yeni rekord
• “Fənərbaxça”nın legioneri millidə zədələnib
• "Fənərbaxça" - "Zenit" matçında "rəhbərlik istefa" şüarları
• "Lion" 2-ci Liqaya düşürülür - ŞOK