“Əvvəllər də futbolçu problemləri ilə üzləşmişik. Ancaq bununla belə, vəziyyətdən uğurla çıxmışıq. Azərbaycanla səfər oyunu buna bariz nümunədir”. Apasport.az saytının məlumatına görə, bu fikirləri Uels milli komandasının baş məşqçisi Con Toşak deyib.

2010-cu il dünya çempionatının seçmə mərhələsində Azərbaycan milli komandası ilə hər iki oyunda eyni hesabla (1:0) qalib gələn uelslilər Bakıdakı görüşdə heyətlə bağlı çətin vəziyyətlə üzləşmişdi. Təsadüfi deyil ki, xeyli sayda aparıcı futbolçulardan məhrum olan Toşak ölkəmizə demək olar ikinci heyəti gətirmişdi. Ancaq bununla belə, oyundan qalib ayrılan təcrübəli mütəxəssis 3 ay öncəki həmin qələbəni indiyə kimi xoş xatirə kimi yada salır: “Həmin oyunda gənc futbolçuları döyüşə atmalı olduq. Onlar özlərini kifayət qədər yaxşı göstərdilər. Və biz Bakıda müsbət nəticə əldə etdik”.

Qeyd edək ki, Toşakın Rusiya yığması ilə bugünkü oyunda sərəncamında 22 futbolçu var.

• UEFA “Yuventus”a təzminat ödəyəcək
• Türkiyə millisinin əfsanə futbolçusu reanimasiyaya yerləşdirilib
• Ronaldodan yeni rekord
• “Fənərbaxça”nın legioneri millidə zədələnib
• "Fənərbaxça" - "Zenit" matçında "rəhbərlik istefa" şüarları