“Astrologiya elmi futbol və inqilabı əvvəlcədən müəyyənləşdirə bilmir. Bu səbəbdən Almaniya - Azərbaycan matçı ilə bağlı proqnoz verə bilmərəm”. Bunu apasport.az saytına açıqlamasında astroloq Səbuhi Rəhimli deyib.

O, dünya çempionatının bu gün keçiriləcək seçmə oyununda Almaniya milli komandası ilə qarşılaşacaq Azərbaycan yığmasının hansı aqibətlə üzləşəcəyini söyləməyin mümkünsüz olduğunu bildirib: “Bəlkə də kimsə matçla bağlı proqnoz verə bilər. Amma həmin insan astroloq olmayacaq. Çünki astrologiyada belə şey yoxdur. Biz yalnız ayrı-ayrı futbolçularla bağlı ümumi proqnoz verə bilərik. Məsələn, karyerasını nə vaxt bitirəcəyi, nə vaxt parlayacağı ilə bağlı. Oyunun nəticəsini demək isə mümkünsüzdür. Bunun üçün ən azı meydana çıxacaq bütün futbolçuların doğum günü və doğum saatlarını deməlisiniz. Lakin bunu bilsəm də, nə isə deyə bilmərəm”.

Qeyd edək ki, Almaniya – Azərbaycan oyunu Bakı vaxtı ilə saat 23:45-də başlayacaq.

• UEFA “Yuventus”a təzminat ödəyəcək
• Türkiyə millisinin əfsanə futbolçusu reanimasiyaya yerləşdirilib
• Ronaldodan yeni rekord
• “Fənərbaxça”nın legioneri millidə zədələnib
• "Fənərbaxça" - "Zenit" matçında "rəhbərlik istefa" şüarları