Bu gün Hannover Bələdiyyə İdarəsində AFFA rəhbərliyinə ziyafət verilib. Apasport.az saytının Hannoverə ezam olunmuş xüsusi müxbirinin məlumatına görə, tədbirdə AFFA-nın I vitse prezidenti Rauf Əliyev, baş katib Elxan Məmmədov, Almaniya Futbol İttifaqının (DFB) prezidenti Tio Tsvantsiger, eləcə də “Hannover-96” və Dortmundun “Borussiya” klubunun prezidentləri iştirak ediblər.

Ziyafətdə Hannover Bələdiyyə İdarəsinin rəisi və DFB rəhbəri nitq söyləyib. Ardından Elxan Məmmədov çıxış edərək, qəbula görə almanlara minnətdarlığını bildirib. Daha sonra tərəflər bir-birinə hədiyyə bağışlayıblar.

Qeyd edək ki, bu gün dünya çempionatının seçmə qrup mərhələsi çərçivəsində Hannoverin “AWD Arena” stadionunda Almaniya və Azərbaycan yığmaları qarşılaşacaq. Oyun Bakı vaxtı ilə saat 23:45-də start götürəcək.

• UEFA “Yuventus”a təzminat ödəyəcək
• Türkiyə millisinin əfsanə futbolçusu reanimasiyaya yerləşdirilib
• Ronaldodan yeni rekord
• “Fənərbaxça”nın legioneri millidə zədələnib
• "Fənərbaxça" - "Zenit" matçında "rəhbərlik istefa" şüarları