21 yaşadək futbolçular arasında Avropa çempionatının seçmə mərhələsinin növbəti oyunları keçirilib. Apasport.az saytının məlumatına görə, Azərbaycan milli komandasının yer aldığı X seçmə qrupda iki qarşılaşma baş tutub. Öz meydanında Belarusa uduzan yığmamız ardıcıl ikinci məğlubiyyətlə sonuncu pillədəki mövqeyini “möhkəmlədib”.

Belaruslular isə itkisiz irəliləməklə liderliyi ələ keçirib. Hələ də xala həsrət qalan Bernard Lippertin yetirmələrindən fərqli Avstriya yığması öz meydanında oynamaq imkanından maksimum yararlanıb. Albaniyanı 3:1 hesabı ilə məğlub edən Avstriya ikinci pilləyə yüksəlib. Artıq hamıdan çox – 4 matç keçirən albanlar Azərbaycan üzərində qələbədən başqa bütün oyunlarda uduzmaq ənənəsini davam etdirib.

1	Belarus	2	2	0	0	5-3	6
2	Avstriya	3	2	0	1	5-3	6
3	Şotlandiya	3	2	0	1	6-3	6
4	Albaniya	4	1	0	3	4-9	3
5	Azərbaycan	2	0	0	2	2-4	0

Qeyd edək ki, qrupumuzda növbəti oyunlar oktyabrın 10-da keçiriləcək: Azərbaycan – Avstriya, Şotlandiya – Belarus.

• UEFA “Yuventus”a təzminat ödəyəcək
• Türkiyə millisinin əfsanə futbolçusu reanimasiyaya yerləşdirilib
• Ronaldodan yeni rekord
• “Fənərbaxça”nın legioneri millidə zədələnib
• "Fənərbaxça" - "Zenit" matçında "rəhbərlik istefa" şüarları