“Hakim bizə qarşı haqsızlıq və heç nədən qapımıza penalti təyin etdi. Buna baxmayaraq, ruhdan düşmədik. Rəqib qapısında qol epizodları da yaratdıq”. Bu sözləri apasport.az saytına açıqlamasında Azərbaycan yığmasının futbolçusu Vüqar Nadirov deyib.

Almaniya ilə dünya çempionatının seçmə oyununda qeydə alınan böyük hesablı məğlubiyyətin səbəblərini açıqlayan 22 yaşlı hücumçu Azərbaycan yığmasında səviyyəli, qol vurmağı bacaran hücumçu yoxluğundan gileylənib: “Almanların qapısına bir qol vursaydıq, hər şey başqa cür olacaqdı. Bunun üçün həlledici zərbə vuran çatmırdı. İndi çalışacağıq ki, Lixtenşteyni məğlub edək. Onların oyununu görməmişəm. Ötən il yığmalarımız qarşılaşanda mən U-21-in düşərgəsində idim. Azərbaycan, yoxsa Lixtenşteynin güclü olduğunu da həmin oyun göstərəcək”.

Qeyd edək ki, Almaniya – Azərbaycan oyunu meydan sahiblərinin 4:0 hesablı qələbəsi ilə başa çatıb.

• UEFA “Yuventus”a təzminat ödəyəcək
• Türkiyə millisinin əfsanə futbolçusu reanimasiyaya yerləşdirilib
• Ronaldodan yeni rekord
• “Fənərbaxça”nın legioneri millidə zədələnib
• "Fənərbaxça" - "Zenit" matçında "rəhbərlik istefa" şüarları