Almaniyanın “Bavariya” klubunun düşərgəsinə təlim-məşq toplanışına yollanmış azərbaycanlı futbolçular hazırlıqlarını davam etdirirlər. Apasport.az saytının məlumatına görə, Münhen təmsilçisinin heyətində yer alan 4 həmyerlimizə məşq keçən mütəxəssislərin adları müəyyənləşib. Yeniyetmə futbolçularımızdan ikisi Bekkenbauerin rəhbərliyi altında hazırlaşırlar. Lakin bu, məşhur Frans Bekkenbauerin özü yox, onun oğlu Stefandır. 41 yaşlı kiçik Bekkenbauer “Bavariya”da 17 yaşadək futbolçulardan ibarət komandanın baş məşqçisidir. Frans Bekkenbauer isə Münhen klubunun prezidentidir. “Bavariya”nın düşərgəsinə yollanmış U-17 yığmamızın iki üzvü Hacı Əhmədov və Rəhman Hacıyev məhz Stefan Bekkenbauerin məşqlərinə qatılıb. Digər iki futbolçumuz - Tərlan Quliyev və Tural İsgəndərovun 19 yaşı olduğundan, onları Kurt Niedermayer çalışdırır. Təlim-məşq toplanışı 1 noyabr - 8 dekabr aralığında nəzərdə tutulub.

• Türkiyə - İspaniya matçının keçiriləcəyi stadion açıqlanıb
• "Milan" futbolçularından analarına jest
• Amorim onu komandada saxlamaq istəyir
• “Fənərbaxça” Premyer Liqa klubunun hücumçusu ilə maraqlanır
• "Beşiktaş" sabiq "Barsa"lı ilə danışıqlara başlayıb