Qroznının “Terek” klubunun rəhbərliyi cari mövsümün sonunadək baş məşqçi postunu tapşırdığı Şahin Diniyevə əvəzləyici axtarır. Apasport.az saytının məlumatına görə, klub prezidenti Ramzan Kadırov vitse-prezident Haydar Alxanovla görüşündə baş məşqçi vəzifəsinə namizədlərlə maraqlanıb. Alxanov Rusiya mətbuatına açıqlamasında bildirib ki, hazırda bir mütəxəssislə danışıqlar aparılır: “O, ölkəmizdə çox tanınıb. Vaxtilə SSRİ yığmasında oynayıb, məşqçilik fəaliyyətində yüksək nailiyyətlər qazanıb. Ümid edirik ki, danışıqların nəticəsi iki həftədən sonra məlum olacaq”.

Vitse-prezidenti eyni zamanda vurğulayıb ki, “Terek” istənilən halda, cari mövsümü Şahin Diniyevin rəhbərliyi altında başa vuracaq: “Diniyev buna qədər çalışdırdığı əvəzedici komandamızı gücləndirib. Bugünkü uğurlar məşqçilər korpusumuzun ağıllı və mükəmməl işinin nəticəsidir”.

Qeyd edək ki, Kadırov Çeçenistan prezidenti, Alxanov isə bədən tərbiyəsi, idman və turizm naziridir.

• Türkiyə - İspaniya matçının keçiriləcəyi stadion açıqlanıb
• "Milan" futbolçularından analarına jest
• Amorim onu komandada saxlamaq istəyir
• “Fənərbaxça” Premyer Liqa klubunun hücumçusu ilə maraqlanır
• "Beşiktaş" sabiq "Barsa"lı ilə danışıqlara başlayıb