“Qarabağ”ın 1300 günü

06.11.2009 - 14:24

Ağdamın “Qarabağ” klubunun “İnter”ə qarşı sindromu var. Apasport.az saytının məlumatına görə, ağdamlılar 1300 gündür bakılıları çempionat oyunlarında məğlub edə bilmir.

Azərbaycan Premyer Liqasının X turunda sabah bu komandalar arasında keçiriləcək oyunda bu rəqəm 1301-ə çatacaq. Rəqiblərin son 6 qarşılaşmasında 4 qələbə qazanan “İnter” ağdamlılara cəmi 2 xal “bağışlayıb”. “Qarabağ”ın 2006-cı il aprelin 16-da 1:0 hesabı ilə qalib gəldikdən sonra ardıcıl 4 dəfə həmin hesabla məğlub olub. Son iki dueldə isə hər komanda 1 dəfə fərqlənib. Ümumiyyətlə, “Xəzər Universiteti”nin adını dəyişib “İnter”ə çevrildiyi 2004-cü ilin yayından bakılılar öz meydanında ağdamlılara 5 matçda 1 xal və 1 qol sevinci verib.

mövsüm	“İnter”in meydanı	“Qarabağ“ın meydanı
1999/2000	0:0	0:2
2000/01	0:0	0:3
2003/04	0:2	1:3
2004/05	1:0	1:3
2005/06	2:0	0:1
2006/07	1:0	1:0
2007/08	1:0	1:0
2008/09	1:1	1:1