Futbol üzrə Azərbaycan milli komandasının baş məşqçisi Berti Foqtsla yeni müqavilə bağlanılıb. Apasport.az-ın AFFA-nın rəsmi saytına istinadən məlumatına görə, assosiasiyanın prezidenti Rövnəq Abdullayev 63 yaşlı mütəxəssislə görüşərək, onun ötən dövr ərzindəki fəaliyyəti barədə hesabatını və gələcək üçün fəaliyyət proqramını dinləyib.

Görüşdə AFFA-nın vitse-prezidenti Elşad Nəsirov və baş katib Elxan Məmmədov də iştirak edib. Müzakirələrdən sonra qərara alınıb ki, Berti Foqtsla müqavilənin müddəti daha 2 illiyə uzadılsın. Başqa sözlə, almaniyalı çalışdırıcı 2011-ci ilin dekabrınadək milli komandamızın baş məşqçisi işləyəcək.

Qeyd edək ki, Foqts 2008-ci ilin aprelində yığmamızın baş məşqçisi təyin olunub. Onunla əvvəlki razılaşma müddəti bu ilin dekabrında başa çatmalı idi.

• De Bruyne "Liverpul"a keçəcək?
• "Arsenal" heyətini ispaniyalı yarımmüdafiəçi ilə gücləndirəcək
• "Fənərbaxça"lı futbolçular arasında gərginlik - VİDEO
• FIFA irqçiliklə bağlı qanunları sərtləşdirib
• “Çelsi”nin kapitanı: “Bu turnirdə də qələbə qazanacağımızı gözləyirik”