Dünyanın aparıcı futbol ölkələrində komandaların oyunçuları və baş məşqçiləri ilə bağlanan müqavilənin maliyyə tərəfləri ictimaiyyətdən gizli saxlanılmır. Hətta Türkiyədə hər hansı klub anlaşma əldə etdiyi şəxslə sövdələşmənin maliyyə dəyəri haqda qiymətli kağızlar birjasını da məlumatlandırırlar.

Amma Azərbaycan futbolunda belə hal nəinki yoxdur, hətta futbolçu və ya baş məşqçi ilə müqaviləyə “Anlaşmanın maliyyə tərəfləri gizli saxlanılmalıdır” kimi bənd də daxil edilir. Bu addımın kökündə hansı məqsədin durduğu başqa mövzudur.

Lent.az-ın araşdırması isə klublarımızın baş məşqçilərinin nə qədər əmək haqqı aldıqlarını müəyyənləşdirmək məqsədilə aparılıb. Araşdırma nəticəsində 12 komandamızın hər birinin sükanı arxasında duran mütəxəssislərin bir mövsüm ərzində qazancını təqribi müəyyənləşdirmək mümkün olub. Ona görə təqribi ki, məşqçilərin qazancı təkcə aybaay toplanan əmək haqqı ilə ölçülmür. Bura əlavə mükafatlar da daxildir.

Ola bilsin, baş məşqçilərin illik əmək haqqı məbləği göstərdiyimizdən bir qədər az və ya çox olsun. Amma o dəqiqdir ki, ən çox qazanan baş məşqçi Bülənt Korkmaz, ən az qazananı isə Nizami Sadıqovdur.

1. Kaxaber Sxadadze (“İnter”) – 200 min dollar
2. Roman Pokora (“Simurq”) – 150 min dollar
3. Qurban Qurbanov (“Qarabağ”) – 150 min manat
4. Ramiz Məmmədov (“Qəbələ”) – 100 min manat
5. Vaqif Sadıqov (“Neftçi”) - 150 min manat
6. Ağasəlim Mircavadov (“Xəzər-Lənkəran”) – 250 min manat
7. Bülənt Korkmaz (“Bakı”) – 450 min dollar
8. Əsgər Abdullayev (“Olimpik-Şüvəlan”) – 90 min manat
9. Nizami Sadıqov (“Turan”) – 50 min manat
10. Kemal Alispahiç (“Muğan”) – 100 min dollar
11. Yunis Hüseynov (“Karvan”) – 100 min manat
12. Böyükağa Hacıyev (“Standard”) – 80 min manat.

• "Arsenal" heyətini ispaniyalı yarımmüdafiəçi ilə gücləndirəcək
• "Fənərbaxça"lı futbolçular arasında gərginlik - VİDEO
• FIFA irqçiliklə bağlı qanunları sərtləşdirib
• “Çelsi”nin kapitanı: “Bu turnirdə də qələbə qazanacağımızı gözləyirik”
• “Çelsi” niderlandlı forvardla maraqlanır