Belçikanın qadınlardan ibarət milli komandasının heyəti açıqlanıb. Apasport.az saytının məlumatına görə, 2011-ci il dünya çempionatının seçmə oyununda Azərbaycan yığmasının rəqibi olan belçikalılar Bakıya 24 futbolçu ilə gələcək.

Noyabrın 22-də millimizin, 4 gün sonra Çexiyanın qonağı olacaq Anne Noenin yetirmələri hazırlıqlara ayın 12-də start verəcək. Bu toplanışa əsasən “Standard” və “Sent-Trüden”in oyunçularını çağıran xanım mütəxəssis Almaniya və Hollandiyada çıxış edən legionerlərə də dəvət göndərib. Bunlar Sabrina Broos (“Leuven”), Mariyja Kallebot (“Dyuqarden”), Maud Kouterels, Audri Demoustie, Culi Qrequar, Rite Loos, Davina Filtyens, Sofi van Hautven (hamısı “Standard”), Niki de Kok (“Villem II”, Hollandiya), Mariorie de Rammelar, Lien Kestelut, Anne Ruteman (hamısı “Anderlext”), Kristen Elsen, İnqe Heyremans, Helen Jak, Hanna van de Qor, Marli Verbruggen, Kristel Verelst, Aline Zeler (hamısı “Sent Trüden”), Femke Maes (“Duysburq”, Almaniya), Sofi Mammert (“Sinay Göls”), Lien Mermans (“Eva”) və Lenni Onzia ilə Lorka Vandeputtedir (“Tvente”, Hollandiya).

Qeyd edək ki, noyabrın 22-də Tofiq Bəhramov adına stadionda keçiriləcək Azərbaycan – Belçika oyunu saat 14:00-da başlayacaq.

• "Trabzonspor" – "Qalatasaray" matçı bu kanalda
• De Bruyne "Liverpul"a keçəcək?
• "Arsenal" heyətini ispaniyalı yarımmüdafiəçi ilə gücləndirəcək
• "Fənərbaxça"lı futbolçular arasında gərginlik - VİDEO
• FIFA irqçiliklə bağlı qanunları sərtləşdirib