Ölkə kubokunun 1/4 finalçıları müəyyənləşdi

11.11.2009 - 15:34

Azərbaycan kubokunun 1/8 final mərhələsində sensasiya baş vermədi. Apasport.az saytının məlumatına görə, ilk oyunlarda qalib gələn komandaların hamısı növbəti mərhələyə yüksəldi.

1/4 finala çıxmaq vəzifəsini hələ evdəki görüşlərdə yerinə yetirən “İnter”, “Qarabağ”, “Bakı”, “Neftçi” və “Simurq” klubları səfərdə də büdrəmədi. “Muğan” “Xəzər-Lənkəran”la cari mövsümdə keçirdiyi üçüncü görüşdə də meydanı məğlub tərk etdi. Ən maraqlı mübarizə “Qəbələ” – “Olimpik-Şüvəlan” cütündə baş verdi. Meydan sahibləri cavab görüşündə son dəqiqədə vurduğu qolla qalib gəlsə da, bu, təsəllidən başqa bir şey olmayıb və ümumi qələbə üçün kifayət etməyib.

“Turan” Premyer Liqadan fərqli, ölkə kubokunda “Standard”ı Tovuzda yenə bilmədi. Nəticədə kubokda mübarizəni davam etdirən cari çempionatda qələbə qazana bilməyən yeganə komanda “Standard” oldu.

Qeyd edək ki, 1/4 finalın “Simurq” – “Olimpik-Şüvəlan”, “Qarabağ” – “Xəzər-Lənkəran”, “Bakı” – “Standard” və “Neftçi” – “İnter” görüşləri gələn ilin martında keçiriləcək.

Azərbaycan kuboku, 1/8 final mərhələsi
Cavab oyunları

13:30. "Gəncə" - "Simurq" - 0:1
Qol:Rüstəm Məmmədov, 10
Baş hakim: Ramil Diniyev
Gəncə. Şəhər stadionu
İlk oyun - 0:2

13:30. "Qəbələ" - "Olimpik-Şüvəlan" - 1:0
Qol: Kənan Kərimov, 90 (p)
Baş hakim: Elnur Muradov
Qəbələ. Şəhər stadionunun ehtiyat meydançası
İlk oyun – 0:2

13:30. "Şahdağ" - "Qarabağ" - 0:0
Baş hakim: Zöhrab Əliyev
Qusar. Şövkət Orduxanov aıdna şəhər stadionu
İlk oyun – 0:4

13:30. "Muğan" - "Xəzər-Lənkəran" - 0:1
Qol: Denis Kalenkov, 80
Baş hakim: Rauf Cabbarov
Salyan. Olimpiya İdman Kompleksinin stadionu
İlk oyun – 1:3

13:30. "Bakılı" - "Bakı" - 0:0
Baş hakim: Alik Yunusov
Bakı. “Şəfa stadionu
İlk oyun – 0:6

13:30. "Turan" - "Standard" - 0:0
Baş hakim: Hacıəli Ağayev
Tovuz. Şəhər stadionu
İlk oyun – 1:3

13:30. "Neftçi İSM" - "Neftçi" - 0:2
Qol:Valter Quqlemon, 28; Samir Əliyev, 85
Baş hakim: Rasim Məmmədov
Tofiq İsmayılov adına Suraxanı qəsəbə stadionu
İlk oyun – 0:5

13:30. "Karvan" - "İnter" - 2:3
Qollar: Bəşir Müqədi, 17 (p); Yakuba Bamba, 53 (p) - Ernani Pereyra, 6 (avtoqol), Vitali Ledenyov, 8; 27
Baş hakim: Elvin Əsgərov
Yevlax. Şəhər stadionu
İlk oyun – 0:4