UEFA-nın Apelyasiya Komitəsi Avropa Liqasında mübarizə aparan Xorvatiyanın “Dinamo” klubunun şikayətinə baxıb. Apasport.az saytının məlumatına görə, Zaqreb komandası stadiondakı özbaşınalıqlar üzündən az öncə cəzalandırılmışdı və onun hesabından 3 xal silinib. Bu qərardan apelyasiya verən xorvatiyalıların haqlı çıxıb. Oktyabrın 30-da Nizam-İntizam Komitəsinin qərarı ilə “Dinamo”nun hesabından silinən 3 xal yenidən komandaya qaytarılıb. Rumıniya “Politexnika”sı (Timişoara) ilə oktyabrın 1-də keçirilən qarşılaşmada baş verənlərin belə sərt cəzalanması düzgün sayılmayıb. Əvəzində, Apelyasiya Komitəsi “Dinamo”nu 75 min avro cərimələyib və avrokuboklarda 3 illik şərti cəza verib. Üstəlik, zaqreblilərin stadionunun cəzalanması ilə bağlı qəbul olunan əvvəlki qərar da qüvvədə qalıb. Noyabrın 5-də “Ayaks”la görüşdə (0:2) olduğu kimi, “Politexnika” ilə dekabrın 17-dəki matç da tamaşaçılarsız baş tutacaq.

Qeyd edək ki, “Dinamo” 2007/08 mövsümündə Çempionlar Liqasının I təsnifat mərhələsində “Xəzər-Lənkəran”ı mübarizədən kənarlaşdırıb - 1:1; 3:1.

• Premyer Liqada ayın məşqçisi müəyyənləşdi
• “Liverpul”un üzvü ayın ən yaxşısı seçildi
• Premyer Liqada mövsümün oyunçusu məlum oldu
• "Bayer" Xabi ilə vidalaşdı - Rəsmi
• Türkiyə - İspaniya matçının keçiriləcəyi stadion açıqlanıb