“Neftçi” komandası Unibank Premyer Liqasının 12-ci turunda “Olimpik-Şüvəlan”ı Tofiq Bəhramov adına Respublika stadionunda qəbul etməyəcək. Bu haqda Lent.az-a stadionun direktoru Akif İsmayılov məlumat verib. Onun sözlərinə görə, həmin gün mərkəzi arenada “Bakı” “Xəzər-Lənkəran”la qarşılaşacaq. “Neftçi” rəhbərliyi matçın bir gün öncə keçirilməsini istəsə də, “Olimpik-Şüvəlan” rəhbərliyi razı olmayıb. Bu səbəbdən, flaqman rəqibini yenidən İsmət Qayıbov adına Respublika stadionunda qəbul edəcək.

Lakin İsmayılov gələcəkdə “Neftçi”nin yenidən mərkəzi arenaya üz tutacağını istisna etməyib: “Bu komanda stadionumuzda keçirdiyi 3 çempionat və 1 kubok oyununu qələbə ilə başa vurub. Ona görə də “Neftçi” rəhbərliyi stadionumuzda oynamağı çox istəyir. İlin sonunadək flaqmanın daha 2 ev oyunu qalır. Yenidən müraciət etsələr, vəziyyətə uyğun qərar verəcəyik”.

• “Çelsi” niderlandlı forvardla maraqlanır
• Sabiq “Beşiktaş”lı “Hatayspor”u tərk edib
• Premyer Liqada ayın məşqçisi müəyyənləşdi
• “Liverpul”un üzvü ayın ən yaxşısı seçildi
• Premyer Liqada mövsümün oyunçusu məlum oldu