Azərbaycan çempionatının XII turunun “Standard” – “Muğan” oyunu meydan sahibləri üçün əlamətdar olacaq. Apasport.az saytının məlumatına görə, Sumqayıt təmsilçisi tarixində 100-cü rəsmi matça çıxacaq.

2006-cı ilin yayında yaranan və bir mövsüm “Arsenal” adı altında mübarizə aparan paytaxt təmsilçisi bu ilin yayınadək Bakını təmsil edirdi. Bir sözlə, tarixinin ilk mövsümünü Bakı “Arsenal”ı, növbəti 2 ilini paytaxt “Standard”ı kimi keçirən komanda tarixinin 4-cü ilini Sumqayıtın təmsilçisi kimi səhnəyə çıxıb. Bu üç müxtəlif dönəmlərdə üst-üstə 99 matç keçirən komanda ölkə çempionatının I dəstəsi, güclülər dəstəsi və kubok yarışlarında çıxış edib.

“Standard” 99 oyunluq məsafəni nə az, nə çox 7 baş məşqçi ilə qət edib. Klubun tarixinə ilk baş məşqçi kimi düşən Vladislav Qədirov, həmçinin Yunis Hüseynov, Kaxaber Sxadadze, Badri Kvaratsxeliya, Rafiq Mirzəyev (müvəqqəti icra edib), Valdas İvanauskas və Böyükağa Hacıyev yarımada təmsilçisinə rəhbərlik edib.

mövsüm	turnir	o	q	h	m	t	x
2006/07	I dəstə	24	16	4	4	42-13	52
	Kubok	2	0	0	2	1-9	0
2007/08	Güclülər dəstəsi	26	8	8	10	36-26	32
	Kubok	6	4	0	2	10-5	12
2008/09	Güclülər dəstəsi	26	12	3	11	30-31	39
	Kubok	2	0	1	1	3-4	1
2009/10	Güclülər dəstəsi	11	0	2	9	8-20	2
	Kubok	2	1	1	0	3-1	4
Cəmi	Güclülər dəstəsi	63	20	13	30	74-77	73
	I dəstə	24	16	4	4	42-13	52
	Kubok	12	5	2	5	17-19	17
Yekun		99	41	19	39	133-119

Qeyd edək ki, “Standard” – “Muğan” qarşılaşması noyabrın 29-da keçiriləcək.

• Premyer Liqada ayın məşqçisi müəyyənləşdi
• “Liverpul”un üzvü ayın ən yaxşısı seçildi
• Premyer Liqada mövsümün oyunçusu məlum oldu
• "Bayer" Xabi ilə vidalaşdı - Rəsmi
• Türkiyə - İspaniya matçının keçiriləcəyi stadion açıqlanıb