Bu gün Unibank Premyer Liqasında XIV tura start veriləcək. Apasport.az saytının məlumatına görə, açılış oyununda cari mövsümün autsayderləri “Karvan”la “Turan” klubları görüşəcək.

Bir vaxtlar çempionluğa iddialı “Karvan” cari mövsümdə cəmi bir qələbə qazanıb. Hesabat turunda tarixində ilk dəfə turnir cədvəlində son pilləyə düşən yevlaxlılar bu gün qalib gəlsələr belə, “Turan”a çata bilməyəcək. Ancaq hər halda, son pillədən yaxa qurtarmaq iddiasını gerçəkləşdirmək üçün yevlaxlılara xal qazanmaq vacibdir.

Ötən tur “Neftçi”yə şübhəli oyunda uduzan “Turan” isə turnir cədvəlində hazırda qərarlaşdığı 10-cu pilləni “Muğan”a qaytarmaq üçün buna çalışacaq.

8 dekabr

14:00. “Karvan” – “Turan” - 0:0
Baş hakim: Elnur Muradov
Yevlax. Şəhər stadionu
İlk dövrədəki oyun – 1:2
76-cı dəqiqədə qonaq komanda Muammer Erdoğdunun qolu ilə hesabı açsa da, baş hakim bunu qeydə almayıb.

9 dekabr

18:00. “Simurq” – “Standard”
Baş hakim: Rasim Məmmədov
Zaqatala. “Simurq” stadionu
İlk dövrədəki oyun – 2:1

14:15. “Bakı” – “İnter”
Baş hakim: Anar Salmanov
Bakı. Tofiq Bəhramov adına Respublika stadionu
İlk dövrədəki oyun – 0:1

10 dekabr

16:00. “Xəzər-Lənkəran” – “Olimpik-Şüvəlan”
Baş hakim: Əfqan Həmzəyev
Lənkəran. Mərkəzi stadion
İlk dövrədəki oyun – 0:1

14:00. “Neftçi” – “Qəbələ”
Baş hakim: Rövşən Əhmədov
Bakı. İsmət Qayıbov adına Bakıxanov qəsəbə stadionu
İlk dövrədəki oyun – 0:1

14:15. “Qarabağ” – “Muğan”
Baş hakim: Ceyhun Haşımov
Bakı. Tofiq İsmayılov adına Suraxanı qəsəbə stadionu
İlk dövrədəki oyun – 1:0

	komandalar	O	Q	H	M	T	X
1	"İnter"	13	8	3	2	25-13	27
2	"Qarabağ"	13	8	3	2	13-7	27
3	"Simurq"	13	7	4	2	16-10	25
4	"Neftçi"	13	7	2	4	13-9	23
5	"Xəzər-Lənkəran"	13	6	5	2	17-7	23
6	"Qəbələ"	13	6	4	3	17-15	22
7	"Bakı"	13	6	2	5	12-13	20
8	"Olimpik-Şüvəlan"	13	4	4	5	15-15	16
9	"Turan"	14	3	3	8	17-21	12
10	"Muğan"	13	3	3	7	7-17	12
11	"Karvan"	14	1	3	10	10-23	6
12	"Standard"	13	1	2	10	12-24	5

Bombardir: Anatoli Doroş ("Olimpik-Şüvəlan") – 7