Yevlaxın “Karvan” klubunun xal həsrətinə axır ki son qoyuldu. Apasport.az saytının məlumatına görə, Yunis Hüseynovun çalışdırdığı komandanın məğlubiyyət seriyasına Unibank Premyer Liqasının XIV turunun açılış oyunu çərçivəsində bu gün evdə Tovuzun “Turan” klubu görüşdə son qoyuldu – 0:0.

Ölkə kubokunu da nəzərə alsaq, son 7 oyunda məğlubiyyətləri sıralayan “Karvan” axır ki xal qazana bildi. Yevlaxlılar buna qədər son dəfə VIII turda oktyabrın 25-də “Qarabağ”la ev oyununda (1:1) hesabına xal yaza bilmişdi. Bundan isə artıq 44 gün ötüb.

Qeyd edək ki, Hüseynovun komandası “Turan”la oyundakı qolsuz heç-heçə ilə turnir cədvəlində son pilləni ən azı bir günlük “Standard”a verdi. Elə “Turan” da turnir cədvəlində bir pillə irəliləyərək, 9-cu yerə yüksəldi. Tovuzlular xalları eyni olduğu Salyanın “Muğan” klubunu şəxsi oyunda (3:2) üstələdiyi üçün qabaqlayır.

• MLS klubundan ulduz həmləsi - Levandovskidən sonra Qoretska
• Taremidən DÇ narazılığı: "Birlik və mehribanlıq hiss etmirəm"
• Şenol Günəşdən etiraf: "Deyirlər, get, nəvələrinlə oyna"
• Əfsanələr matçı: “Real” “İnter”i məğlub etdi - Emre də meydana çıxdı
• Qakpo üçün 70 milyonluq təklif - Nəhənglər də onu istəyir