“Komandamızın oyunundan razı qaldım. Futbolçularımız mübarizə apardılar, çalışdılar”. Apasport.az saytının məlumatına görə, bu sözləri Tovuzun “Turan” klubunun baş məşqçisi Nizami Sadıqov deyib.

Unibank Premyer Liqasının XIV turunun “Karvan”la səfər oyununda 1 xal qazanan tovuzluların çalışdırıcısı 0:0 hesablı nəticədən də razı qalıb: “Yetirmələrim əlindən gələni edib 4 qol vəziyyəti yarada bildi. Lakin bu imkanlardan yararlana bilmədik. O ki qaldı hesaba alınmayan qola, mən hakimin qərarına şərh verə bilmərəm”.

Evdəki xal itkisi ilə barışmalı olan Yunis Hüseynov isə söz verib: “Oyundan o qədər də narazı qalmadım. Gələn il fərqli “Karvan” görəcəksiniz. Mövsümün ikinci yarısında güclü oynayan komanda quracağıq”.

• MLS klubundan ulduz həmləsi - Levandovskidən sonra Qoretska
• Taremidən DÇ narazılığı: "Birlik və mehribanlıq hiss etmirəm"
• Şenol Günəşdən etiraf: "Deyirlər, get, nəvələrinlə oyna"
• Əfsanələr matçı: “Real” “İnter”i məğlub etdi - Emre də meydana çıxdı
• Qakpo üçün 70 milyonluq təklif - Nəhənglər də onu istəyir