“Xəzər-Lənkəran” qələbə qazandı və 3-cü yerə yüksəldi

10.12.2009 - 17:53

Bu gün Unibank Premyer Liqasında XIV tura yekun vurulacaq. “Bakı”nın “İnter”i məğlub etməsindən sonra turun son oyunlarına maraq daha da artıb. Hər halda, son ölkə çempionu dünənki qələbə sayəsində “altılıq” uğrunda mübarizəyə əlavə rəng qatıb. Bu mənada “Neftçi” - “Qəbələ” görüşü nəticə baxımından böyük önəm kəsb edir. Hər iki komanda “altılığ”a düşmək üçün gərgin mübarizə aparır. Həm də nəzərə almaq lazımdır ki, flaqman ötən həftə “Turan”a danışılmış oyunda qalib gəlib. “Qəbələ”nin həm heyətlə bağlı ciddi itkilərinin, həm də “Neftçi”ni evdə yendiyini nəzərə alsaq, səfərdə heç-heçə də münasib nəticə sayılmalıdır.

Tura yekun vuracaq Lənkərandakı görüşdə “Xəzər-Lənkəran” qələbə qazanacağı halda, yarış cədvəlində 3-cü pilləni “Simurq”un əlindən alacaq. Çünki cənub klubu rəqibini ilk dövrədə məğlub edib (3:0). Xallar bərabər olduqda isə şəxsi oyunlar əsas götürülür. “Altılığ”a şansı qalan “Olimpik-Şüvəlan”ın baş məşqçisi Nazim Süleymanov keçmiş komandası ilə prinsipial görüşdə nəticə qazanmaq əzmindədir.

Apasport.az saytı saat 14:00-dan etibarən onlayn nəticələri təqdim edəcək. Sadiq oxucularımız hər 3 oyunda vurulacaq qolların müəllifləri, yaşanacaq maraqlı olaylar, eləcə də baş məşqçilərin oyunsonrası səsləndirəcəkləri fikirlərlə saytımız vasitəsilə tanış ola bilərlər.

8 dekabr

“Karvan” – “Turan” – 0:0
Baş hakim: Elnur Muradov
Yevlax. Şəhər stadionu
İlk dövrədəki oyun – 1:2

9 dekabr

“Bakı” – “İnter” – 2:0
Baş hakim: Anar Salmanov
Bakı. Tofiq Bəhramov adına Respublika stadionu
İlk dövrədəki oyun – 0:1

“Simurq” – “Standard” – 1:1
Baş hakim: Rasim Məmmədov
Zaqatala. “Simurq” stadionu
İlk dövrədəki oyun – 2:1

10 dekabr

“Neftçi” – “Qəbələ” - 1:1
Qollar: Rail Məlikov, 65 - Vurğun Hüseynov, 72
Baş hakim: Rövşən Əhmədov
Bakı. Tofiq Bəhramov adına Respublika stadionu
İlk dövrədəki oyun – 0:1
90-cı dəqiqədə “Qəbələ”nin futbolçusu Namiq Əliyev qırmızı vərəqə alaraq (ikinci sarı vərəqə), meydandan qovulub.

“Qarabağ” – “Muğan” - 2:1
Qollar: Emin İmaməliyev, 22; Vaqif Cavadov, 37 - Vüsal Hüseynov, 4
Baş hakim: Ceyhun Haşımov
Bakı. Tofiq İsmayılov adına Suraxanı qəsəbə stadionu
İlk dövrədəki oyun – 1:0

“Xəzər-Lənkəran” – “Olimpik-Şüvəlan” - 2:1
Qollar: Alan Lalin, 33; Mario Souza, 67 - Viktor Ibokeyi, 35
Baş hakim: Əfqan Həmzəyev
Lənkəran. Mərkəzi stadion
Oyunun son dəqiqələrində hakim Mario Souzaya qırmızı vərəqə göstərib. Braziliyalı futbolçu simulyasiya etdiyinə görə, ikinci sarı vərəqə alaraq, meydandan qovulub.

	komandalar	O	Q	H	M	T	X
1	"Qarabağ"	14	9	3	2	15-8	30
2	"İnter"	14	8	3	3	25-15	27
3	"Xəzər-Lənkəran"	14	7	5	2	19-8	26
4	"Simurq"	14	7	5	2	17-11	26
5	"Neftçi"	14	7	3	4	14-10	24
6	"Bakı"	14	7	2	5	14-13	23
7	"Qəbələ"	14	6	5	3	18-16	23
8	"Olimpik-Şüvəlan"	14	4	4	6	16-17	16
9	"Turan"	14	3	3	8	17-21	12
10	"Muğan"	14	3	3	8	8-19	12
11	"Standard"	14	1	3	10	13-25	6
12	"Karvan"	14	1	3	10	10-23	6