AFFA bu ildən etibarən Azərbaycan milli komandasının ən yaxşı futbolçusunu və qapıçısını seçəcək. Apasport.az saytının məlumatına görə, sorğu Unibank Premyer Liqasında çıxış edən klubların baş məşqçiləri, kapitanları, əsas milli komandanın baş məşqçisi, texniki direktor və təcrübəli veteran futbolçu arasında keçiriləcək.

Başqa sözlə, sorğuya ümumilikdə 27 respondent qatılacaq. Təcrübəli veteran futbolçu qismində səsvermədə İcraiyyə Komitəsinin üzvü Ələkbər Məmmədov iştirak edəcək. Mükafatlandırma mərasimi AFFA tərəfindən keçiriləcək və qaliblərə hədiyyələr təqdim olunacaq. Tədbirin informasiya dəstəyi “İdman Azərbaycan” telekanalı, “Futbol dünyası” qəzeti, apasport və azerisport portalları, partnyorları isə ARDNŞ və “Azercell” şirkətidir.

• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ