İker Kasilyas 2009-cu ildə dünyanın ən yaxşı qapıçısı seçilib. Apasport.az saytının məlumatına görə, Madrid “Real”ının və İspaniya yığmasının kapitanı FİFPro təşkilatının keçirdiyi sorğunun qalibi olub.

Bununla bağlı gələn həftənin bazar ertəsi FİFA İsveçrənin Sürixdəki mənzil qərargahında 28 yaşlı futbolçuya mükafat təqdim olunacaq. Onun sorğuda rəqibi 55 nəfər olub. Həmkarları arasında İkerlə ən çox rəqabət aparan ispaniyalılar Viktor Valdes (“Barselona”), Pepe Reyna (“Liverpul”), holland Edvin van der Sar (“Mançester Yunayetd”) və braziliyalı Julio Sezar (“İnter”) olub.