19 yaşadək futbolçulardan ibarət Azərbaycan milli komandasının heyəti açıqlanıb. Apasport.az-ın AFFA-nın rəsmi internet saytına istinadən məlumatına görə, Valentin Qranatkinin xatirəsinə həsr olunmuş XXII beynəlxalq turnirə 18 futbolçu yollanacaq.

Baş məşqçi Bernard Lippert 2010-cu il yanvarın 4-dən 10-dək Rusiyanın Sankt-Peterburq şəhərində baş tutacaq turnirdə Andrey Popoviç, Anar Məhərrəmov, Qara Qarayev, Eltun Yaqublu, Tərlan Quliyev, Aleksander Qross, Ruslan Tağızadə, Hacı Əhmədov, Amit Quluzadə, Mirhüseyn Seyidov, Şərif İslamov, Elgiz Kərəmli, Sabir Ramazanov, Elnur Abdulov, Araz Abdullayev, Tural İsgəndərov, Rey Məmmədbəyli, və Rəşad Eyyubova güvənəcək.

Qeyd edək ki, Rusiyadakı turnirə yollanacaq U-19-un ilkin heyətinə 24 futbolçunun adı daxil edilmişdi. Orxan Sadıqlı, Yasin Yaqubzadə, Abdulla Abatsiyev, Rəhman Hacıyev, Nuran Qurbanov, Kazım Kazımlıdan və Emin Mehdiyevdən imtina edən Lippert Rəşad Eyyubovu Sankt-Peterburqa aparacaq.

• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ