19 yaşadək futbolçulardan ibarət Azərbaycan milli komandasının heyətində dəyişiklik edilib. Apasport.az-ın AFFA-nın rəsmi internet saytına istinadən məlumatına görə, Valentin Qranatkinin xatirəsinə həsr olunmuş XXII beynəlxalq turnirdə iştirak edəcək U-19-a daha 3 futbolçu dəvət olunub. 2010-cu il yanvarın 4-dən 10-dək Rusiyanın Sankt-Peterburq şəhərində baş tutacaq yarışa aparmaq üçün 18 futbolçunu seçən Bernard Lippert Orxan Sadıxlı, Rəhman Hacıyev və Qabil Nurəhmədovun adlarını siyahıya daxil edib.