“Ağdamın “Qarabağ” klubundan “Tvente”yə transferimin qiyməti 500 min avro deyil. Həmin məbləğ heç vaxt açıqlanmayacaq. Transfer məbləğini yalnız iki nəfər – mən və atam bilirik”. Apasport.az saytının məlumatına görə, bu sözləri Azərbaycan milli komandasının futbolçusu Vaqif Cavadov deyib.

20 yaşlı hücumçu Hollandiya təmsilçisinə keçidi ilə bağlı fikirlərini açıqlayıb: “Gələn ilin əvvəlində “Tvente” ilə müqavilə bağlayacağam. Yanvarın 5-də ora getmək fikrindəyəm. Hələ komandada nə vaxt məşqlərə başlayacağımı bilmirəm. Amma həmin günü səbirsizliklə gözləyirəm. Mən həmişə Avropada oynamağı arzulamışam. Bu mənim məqsədim olub”.

Qeyd edək ki, karyerasını Rusiyanın MOİK-ində başlayan Vaqif son 3 ildə “Qarabağ” klubunda çıxış edib.

Mənbə: extratime.az

• "Arsenal" Qyökereşin transferinə yaxınlaşır
• “Fənərbaxça” Brayt Osayi‑Samuellə yollarını ayırıb
• "Barselona" 22 yaşlı futbolçusunu göndərib
• "Brayton" Belçika millisinin üzvünü transfer edib
• "Yuventus"lu Türkiyə yolunda