Türkiyənin Antalya şəhərindəki təlim-məşq toplantısı zamanı “Neftçi” futbol klubu 4 yoldaşlıq görüşü keçirəcək. Bu haqda Lent.az-a komandanın baş məşqçisi Vaqif Sadıqov məlumat verib.

Onun sözlərinə görə, “flaqman” yanvarın 19-da Rumıniyanın “Qloriya” komandası ilə qarşılaşacaq. Bundan 3 gün sonra “Neftçi” “Antalyaspor”la üz-üzə gələcək. Yanvarın 25-də Ukrayna “Çernomorets”ini sınağa çəkəcək “ağ-qaralar” son oyununu Almaniya klublarından biri ilə keçirəcək. Adı hələ müəyyənləşməyən rəqiblə görüş yanvarın 27-ə təsadüf edəcək.

Qeyd edək ki, “Neftçi” Antalyaya yanvarın 18-də yollanacaq. Hazırlıq prosesi 11 gün davam edəcək.

• Premyer Liqa klubunda ayrılıq
• “Real” La Liqa matçının təxirə salınmasını istəyir
• Alleqri: “Leao qalacaq, Modriç avqustda gəlir”
• İngiltərə millisinin üzvü "Nyukasl"ı tərk edib - RƏSMİ
• Luis Suarez “Sportinq”ə keçir?