Fevralın 22-dən martın 1-dək İordaniyada təlim-məşq toplanışı keçəcək Azərbaycan yığmasının bütün xərclərini bu ölkənin futbol assosiasiyası öz üzərinə götürüb. Bunu apasport.az saytına açıqlamasında AFFA-nın baş katibi Elxan Məmmədov deyib. Onun sözlərinə görə, AFFA yalnız milli komandamızın İordaniyaya uçuş xərcini çəkəcək.

“Digər xidmətlər isə yığmamız üçün təmənnasız olacaq. İordaniyalılar bir həftəlik təlim-məşq toplanışı zamanı daxili nəqliyyat, otel və qida xərclərini özləri ödəyəcəklər” - deyə Məmmədov vurğulayıb.

Milli komandamız fevralın 25-də İordaniya ilə yoldaşlıq görüşündə qüvvəsini sınayacaq. Martın ilk günündə sözügedən ölkəni tərk edəcək futbolçularımız Lüksemburqa yollanacaqlar. Məqsəd martın 3-də Lüksemburq yığması ilə qarşılaşmaqdır.

• Premyer Liqa klubunda ayrılıq
• “Real” La Liqa matçının təxirə salınmasını istəyir
• Alleqri: “Leao qalacaq, Modriç avqustda gəlir”
• İngiltərə millisinin üzvü "Nyukasl"ı tərk edib - RƏSMİ
• Luis Suarez “Sportinq”ə keçir?