Vaqif Cavadovun yeni komandası “Neftçi”nin aqibətini yaşadı
13.01.2010 - 09:19
Azərbaycan yığmasının futbolçusu Vaqif Cavadovun transfer olduğu Hollandiyanın “Tvente” klubu növbəti yoxlama oyununu keçirib. Apasport.az saytının məlumatına görə, 21 yaşlı hücumçumuzun komandası Belçikanın “Anderlext” klubu ilə üz-üzə gəlib. İspaniyanın La Manqa şəhərində keçirilən təlim-məşq toplanışı çərçivəsində baş tutan görüşdə “Tvente” biabırçı məğlubiyyətlə barışıb - 0:5.
Belçikalılar Stiv Maklarenin yetirmələrini artıq ilk 20 dəqiqədə darmadağın ediblər. Busufa 3-cü, Martines 10-cu, Leqear isə 20-ci dəqiqədə fərqlənib. Kanu (83-cü dəq.) və Lukakunun (85-ci dəq.) qolları isə “Tvente”nin rüsvayçı hesabla uduzmasını rəsmiləşdirib. Vaqif “Tvente”nin İspaniyaya getməsindən sonra müqavilə bağladığına görə, səfərə aparılmayıb və bu görüşün iştirakçısı olmayıb.
Qeyd edək ki, “Anderlext” bizə yaxın olan komandaları 5 cavabsız qolla keçməkdə ixtisaslaşıb. Belçika təmsilçisi Çempionlar Liqasının təsnifat mərhələsinin 2005/06 mövsümündə Bakının “Neftçi” klubunu, ötən yay isə Türkiyə “Sivasspor”unu eyni hesabla üstələyib.
Belçikalılar Stiv Maklarenin yetirmələrini artıq ilk 20 dəqiqədə darmadağın ediblər. Busufa 3-cü, Martines 10-cu, Leqear isə 20-ci dəqiqədə fərqlənib. Kanu (83-cü dəq.) və Lukakunun (85-ci dəq.) qolları isə “Tvente”nin rüsvayçı hesabla uduzmasını rəsmiləşdirib. Vaqif “Tvente”nin İspaniyaya getməsindən sonra müqavilə bağladığına görə, səfərə aparılmayıb və bu görüşün iştirakçısı olmayıb.
Qeyd edək ki, “Anderlext” bizə yaxın olan komandaları 5 cavabsız qolla keçməkdə ixtisaslaşıb. Belçika təmsilçisi Çempionlar Liqasının təsnifat mərhələsinin 2005/06 mövsümündə Bakının “Neftçi” klubunu, ötən yay isə Türkiyə “Sivasspor”unu eyni hesabla üstələyib.
0
0