Yığmamızın hücumçusunu “Marakana”ya buraxmadılar
28.01.2010 - 15:33
Braziliyanın ən nüfuzlu ştat turnirlərindən olan Rio-de-Janeyro çempionatında (Karioka) növbəti turun oyunları keçirilib.
Apasport.az saytının məlumatına görə, Azərbaycan milli komandasının futbolçusu Leandro Qomeşin şərəfini qoruduğu “Amerikano” Kariokanın birinci hissəsi sayılan Quanabara birinciliyinin 4-cü turunda çempionatın ən sanballı klublarından sayılan “Flamenqo”nun qonağı olub.
Adriano və Vaqner Lav kimi ulduzlara malik meydan sahibləri çətinliklə də olsa, qalib gələ bilib – 3:2. Bu görüş dünyanın ən məşhur stadionlarından biri olan “Marakana”da keçirilib. Leandroya vaxtilə 200 mindən artıq tamaşaçı tutması ilə dünya rekordları qıran, əsaslı təmir işlərindən sonra bu rəqəmin 88 min 892-yə endirildiyi “Marakana”da oynamaq nəsib olmayıb. Belə ki, baş məşqçi Eron Ferreyra ilk 3 turda olduğu kimi, yenə də Qomeşi meydana buraxmayıb.
Qeyd edək ki, A qrupunda mübarizə aparan “Amerikano” bütün oyunlarda uduzaraq, 4 oyundan sonra 8 komanda arasında sonuncu, itkisiz irəliləyən “Flamenqo” isə 12 xalla birinci pillədə qərarlaşıb.
Apasport.az saytının məlumatına görə, Azərbaycan milli komandasının futbolçusu Leandro Qomeşin şərəfini qoruduğu “Amerikano” Kariokanın birinci hissəsi sayılan Quanabara birinciliyinin 4-cü turunda çempionatın ən sanballı klublarından sayılan “Flamenqo”nun qonağı olub.
Adriano və Vaqner Lav kimi ulduzlara malik meydan sahibləri çətinliklə də olsa, qalib gələ bilib – 3:2. Bu görüş dünyanın ən məşhur stadionlarından biri olan “Marakana”da keçirilib. Leandroya vaxtilə 200 mindən artıq tamaşaçı tutması ilə dünya rekordları qıran, əsaslı təmir işlərindən sonra bu rəqəmin 88 min 892-yə endirildiyi “Marakana”da oynamaq nəsib olmayıb. Belə ki, baş məşqçi Eron Ferreyra ilk 3 turda olduğu kimi, yenə də Qomeşi meydana buraxmayıb.
Qeyd edək ki, A qrupunda mübarizə aparan “Amerikano” bütün oyunlarda uduzaraq, 4 oyundan sonra 8 komanda arasında sonuncu, itkisiz irəliləyən “Flamenqo” isə 12 xalla birinci pillədə qərarlaşıb.
0
0