Macarıstanda təşkil olunan futzal üzrə Avropa çempionatında mübarizə aparan Azərbaycan milli komandası daha bir ciddi itki ilə üzləşib. Apasport.az saytının Macarıstana ezam olunmuş xüsusi müxbirinin məlumatına görə, yanvarın 30-da 3-cü yer uğrunda keçiriləcək görüşdə Nilson Maşado (Biro Jade) yığmamıza kömək edə bilməyəcək. Buna səbəb 37 yaşlı braziliyalının yarımfinalda Portuqaliyaya qarşı matçda sarı vərəqə almasıdır. Maşadoya 3 gün öncə ukraynalılarla görüşdə də xəbərdarlıq edilib ki, bu da sarı vərəqələr limitini aşmaq deməkdir..

Qeyd edək ki, hazırda milli komandamızın digər braziliyalı üzvü Alves də zədəlidir.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır