İtaliyanın “Yuventus” klubunun baş məşqçisi Çiro Ferrara istefaya göndərilib. Lent.az-ın klubun mətbuat xidmətinə istinadən verdiyi məlumata görə, onu Alberto Zakkeroni əvəzləyib.

Zakkeroni ilə mövsümün sonunadək müqavilə bağlanılıb. Yeni baş məşqçi bu gün kollektivə təqdim olunacaq.

Çiro Ferrara qeyri-qənaətbəxş nəticələri ilə əlaqədar postundan kənarlaşdırılıb. “Yuve” son 12 matçın 9-da uduzub. 56 yaşlı Alberto Zakkeroni isə indiyədək İtaliya çempionatında "Milan", "Latsio", "İnter" və “Torino” komandalarına rəhbərlik edib. Onun rəhbərliyi ilə "Milan" 1999-cu ildə İtaliya çempionluğunu qazanıb.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır