“Bu oyunu uduzsaydıq, turnir cədvəlinin axırıncıdan ikinci pilləsinə enəcəkdik”. Apasport.az saytının məlumatına görə, bu sözləri Azərbaycan milli komandasının sabiq futbolçusu Anatoli Ponomaryov deyib.

Türkiyənin birinci dəstə təmsilçisi “Orduspor”da çıxış edən 28 yaşlı hücumçu komandasının 18 klub arasında 14-cü olmasını ədalətsizlik sayır: “Hazırda aşağıdan yuxarı 5-ci yerdə qərarlaşmışıq. Lakin biz daha yüksəkdə olmaq iddiasındayıq. Oynadığımız futbolla daha yüksək nəticəyə layiqik. İnanıram ki, qarşıdakı matçlarda işlərimiz yaxşı olacaq. Məqsədimiz təkcə öz meydanımızda deyil, ev və səfərdəki görüşlərin hamısında qələbə qazanmaqdır”.

Qeyd edək ki, Ponomaryovun komandası 20 turdan sonra cəmi 21 xal toplayıb.

• Fernandeş Səudiyyə Ərəbistanı yolunda
• "İnter"də iki ayrılıq
• Nəhənglərlə yarışan tarix, ardıcıl məyusluq - "Ankaragücü"
• Kurtuanın taleyinə aydınlıq gəldi
• "Bavariya" "Real"ın transfer hədəfi ilə danışıqlara başladı