Azərbaycan milli komandasının müdafiəçisi Mahir Şükürov Rusiya Premyer Liqasında qol vuran 10-cu azərbaycanlı futbolçu olacaq. Apasport.az saytının məlumatına görə, bir ay öncə Mahaçqalanın “Anji” klubuna keçən 28 yaşlı futbolçu gələn ay bu ölkənin çempionatında debüt edəcək.

Mahirin Rusiya birinciliyində qol vurub-vurmayacağı şimal qonşularımızı da maraqlandırır. İndiyə kimi qonşu ölkədə ən çox rəqib qapısına yol tapan ən yaxşı legionerimiz Nazim Süleymanovdur. 1995-ci ildə Vladiqafqazın “Alaniya” klubunun heyətində ölkə çempionluğunu qazanan veteran hücumçu uzun illər Rusiyada ən çox qol vuran əcnəbi futbolçu idi. Süleymanovun 50 qol həddini braziliyalı hücumçu Vaqner Lav Moskva MOİK-ində çıxış edən zaman keçdi.

Əslində, 9 qol vuran futbolçumuzdan 3-ü milliləşərək, Azərbaycan vətəndaşlığını daşıyanlardır. Söhbət dağıstanlı Narvik Sırxayev, çeçen Deni Qaysumov və serb Branimir Subaşiçdən gedir. Milliyətcə rus olan Lev Mayorovla Vyaçeslav Lıçkin isə ölkəmizdə anadan olanlardır. 9 azərbaycanlıdan yalnız Subaşiç hazırda da oynayır, qalanları isə futbolçu karyerasını bitirib. 2005-ci ilin yayında ölkəmizə gələn Branimir Permin “Amkar” klubundan “Neftçi”yə transfer olundu. Mahir “Anji”də qol hesabını açsa, milli komandamızda və “Neftçi”də bir yerdə oynadığı Subaşiçə çatacaq.

Branimirin Rusiya Premyer Liqasında ən az oyun keçirən (6) futbolçumuz olduğunu nəzərə alsaq, Şükürovun onu bu göstəricidə qabaqlayacağı real görünür.

Rusiya Premyer Liqasında qol vuran azərbaycanlı futbolçular

Futbolçu	Klublar	Oyun	Qol
1. Nazim Süleymanov (hücumçu, 1965)	“Alaniya” (1992 - 1996), “Jemçujina” (1997, 1998)	150	50
2. Narvik Sırxayev (yarımmüdafiəçi, 1974, Rusiya)	“Anji” (2000, 2001), “Lokomotiv” (2002, 2003, 2004), “Terek” (2005)	129	29
3. Vəli Qasımov (hücumçu, 1968)	“Spartak” (1992), “Dinamo” (1992)	23	16
4. Lev Mayorov (1969, yarımmüdafiəçi)	“Çernomorets” (1995 - 2001, 2003)	207	13
5. Vyaçeslav Lıçkin (1973, yarımmüdafiəçi)	“Dinamo” (Stavropol, 1992), “Tümen” (1998)	14	4
6. Qurban Qurbanov (1972, hücumçu)	“Fakel” (2000, 2001)	25	2
7. Deni Qaysumov (1968, müdafiəçi, Rusiya)	MOİK (1995, 1997), “Terek” (2005)	51	2
8. Branimir Subaşiç (1982, hücumçu, Serbiya)	“Amkar” (2005)	6	1
9. Arif Əsədov (1970, müdafiəçi)	“Spartak” (Vladiqafqaz, 1994), “Tümen” (1998)	45	1

• Orkun Kökçü transferi üçün "Beşiktaş"dan ilk addım
• "Flamenqo" De Paulu transfer etmək istəyir
• Premyer Liqa klubunda ayrılıq
• “Real” La Liqa matçının təxirə salınmasını istəyir
• Alleqri: “Leao qalacaq, Modriç avqustda gəlir”