Avro-2012-nin seçmə mərhələsində Azərbaycan milli komandasının da çıxış edəcəyi A qrupunun oyunlarının təqvimi fevralın 17-18-də müəyyənləşəcək. Bu haqda apasport.az saytına açıqlamasında AFFA-nın baş katibi Elxan Məmmədov məlumat verib.

Bu gün Polşanın paytaxtı Varşavada keçirilən Avro-2012-nin seçmə mərhələsinin püşkatma mərasiminə qatılmış Məmmədov təqvimlə bağlı müzakirələrin təşkil olunacağı məkanı da açıqlayıb: “İkigünlük görüş Almaniyanın Frankfurt şəhərində keçiriləcək. Müzakirələr üçün məhz bu şəhərin seçilməsinin əsas səbəbi odur ki, bütün ölkələrdən bura təyyarə reysi var və Frankfurta toplaşmaq çətin deyil”.

Qeyd edək ki, yığmamız A qrupunda Almaniya, Türkiyə, Avstriya, Belçika və Qazaxıstan komandalarını sınağa çəkəcək.

• “Əl Nəsr” Ronaldo ilə yollarını ayıra bilər
• "Trabzonspor" – "Qalatasaray" matçı bu kanalda
• De Bruyne "Liverpul"a keçəcək?
• "Arsenal" heyətini ispaniyalı yarımmüdafiəçi ilə gücləndirəcək
• "Fənərbaxça"lı futbolçular arasında gərginlik - VİDEO