Berti Foqts: ...bu pullar Azərbaycanda futbolun inkişafına sərf olunacaq

07.02.2010 - 17:53

Azərbaycan milli komandasının baş məşqçisi Berti Foqts Avro-2012-nin seçmə mərhələsinin bu gün keçirilən püşkatma mərasimindən sonra almaniyalı jurnalistlərə açıqlama verib. Apasport.az saytının Almaniyanın “Ekspress” nəşrinə istinadən yaydığı məlumata görə, Foqts Almaniya millisi ilə yenidən qarşılaşacaqlarından məmnun olduğunu söyləyib: “Püşkatmanın nəticəsindən razı qaldım. Almaniya komandası ilə oyunlardan biz külli-miqdarda gəlir əldə edə bilərik. Belə olsa, bu pullar Azərbaycanda futbolun inkişafına sərf olunacaq”.