“Qus Hiddink Türkiyə yığmasının baş məşqçisi postuna gətirilərsə, hər şey daha yaxşı olacaq. Çünki o, həm Almaniya, həm də Azərbaycan milli komandalarının oyun üslubuna bələddir”. Apasport.az saytının məlumatına görə, bu sözləri Türkiyə yığmasının və “Fənərbaxça”nın sabiq futbolçusu Rıdvan Dilmən deyib.

Hazırda futbol şərhçisi işləyən 48 yaşlı sabiq yarımmüdafiəçi Avro-2012-nin seçmə mərhələsinin püşkü barədə fikirlərini açıqlayıb: “Belçika son seçmə mərhələdə bizimlə bir qrupa düşdüyündən, onların da oyunlarını bilirik. Məncə, Azərbaycanın qrupda yer alması bizim üçün xoş məqam sayılmalıdır. Yəni, rahat 6 xal götürə bilərik. Ümumiyyətlə qrupu lider kimi tamamlamaq şansımız var”.

Qeyd edək ki, milli komandamız A qrupunda Almaniya, Türkiyə, Avstriya, Belçika və Qazaxıstana qarşı mübarizə aparacaq.

• Arda Turan Ukayna klubunu çalışdıracaq
• “Əl Nəsr” Ronaldo ilə yollarını ayıra bilər
• "Trabzonspor" – "Qalatasaray" matçı bu kanalda
• De Bruyne "Liverpul"a keçəcək?
• "Arsenal" heyətini ispaniyalı yarımmüdafiəçi ilə gücləndirəcək