Unibank Premyer Liqasının 19-cu turunun mərkəzi görüşü bu gün Tofiq Bəhramov adına Respublika stadionunda baş tutacaq. Apasport.az saytının xəbərinə görə, saat 15-də meydan çempionat və kubok yarışlarının iki iddialı komandası - "Neftçi" və "Bakı"nın ixtiyarına veriləcək. Paytaxt derbisinin eyni zamanda "altılıq" uğrunda mübarizədə də böyük əhəmiyyət kəsb etdiyini nəzərə alsaq, həmin gün gözlər bu arenaya yönələcək.

Son Azərbaycan çempionu "Bakı" və ölkənin ən köklü klubu "Neftçi"nin oyunları hər zaman gərgin və maraqlı mübarizə ilə yadda qalıb. Komandaların ilk qarşılaşması 2004-cü ilin sentyabr ayına təsadüf edir. Adıçəkilən qarşılaşma "Bakı"nın 2:0 hesablı qələbəsi ilə başa çatıb.

Ümumilikdə, komandalar cəmi 11 dəfə görüşüblər ki, bu oyunların hamısı ölkə çempionatları çərçivəsində baş tutub. 5 oyunda "Bakı", 4 oyunda "Neftçi" üstün olub. 2 qarşılaşma heç-heçə başa çatıb.

Vurulan və buraxılan topların nisbəti "Bakı"nın xeyrinədir 15:10.

Yeri gəlmişkən "Neftçi" ölkəmiqyaslı yarışlarda ən böyükhesablı məğlubiyyətini, məhz, "Bakı"dan alıb 1:5.

www.fcbaku.com

• Lidholmun ideal "11-liyi" - Barezi, Barezi, Barezi...
• "Real Madrid" Mastantuono ilə bağlı qərar verdi - Argentinalı göndəriləcək
• 64 komandalı dünya çempionatı: FİFA işlərə start verdi
• "Arsenal"dan 90 milyon avroluq transfer - "Nyukasl"ın ulduzu yoldadır
• İnfantinonun müşaviri istefa verdi - Dünya çempionatının satılmasına etiraz etdi