“Bu oyun hər iki komanda üçün əhəmiyyətli idi. Oyun çox ağır keçdi”. Apasport.az saytının məlumatına görə, bu sözləri Bakının “Olimpik-Şüvəlan” klubunun baş məşqçisi Nazim Süleymanov deyib.

O, Unibank Premuyer Liqasının XIX turunun “Muğan”la oyunundan sonra keçirilən mətbuat konfransında matçla bağlı fikirlərini açıqlayıb. Süleymanov futbolçularının belə oynamasından məmnunluğunu gizlətməyib: “İlk hissədən etibarən sayca azlıqda qalmağımıza baxmayaraq, komandanın əzmkar qələbəsi məni sevindirdi. Futbolun gözəlliyi qoldur. Hər iki komanda mübarizə aparsa da, oyunda cəmi bir qol vuruldu”.

Qeyd edək ki, “Muğan” – “Olimpik-Şüvəlan” oyunu qonaqların 1:0 hesablı qələbəsi ilə başa çatıb.

• Modriç “Real”dan ayrıldı – İtaliyada oynayacaq
• "Yunayted" fransalı forvardı heyətinə qatıb
• Danimarka millisinin üzvü "Arsenal"da - RƏSMİ
• "Fənər"in yeni sponsoru bəlli olub
• İtaliyalı forvard ərəblərin radarında - 67 milyon avro ödəyəcək