“Neftçi” – “Bakı” oyununun hakimliyi qonaq komandanın baş məşqçisi Bülənt Korkmazı narazı salıb. Apasport.az saytının məlumatına görə, Unibank Premyer Liqasının XIX turunun mərkəzi qarşılaşmasındakı hakim səhvləri 41 yaşlı türkiyəli mütəxəssisi məyus edib.

Korkmaz qarşılaşmadan sonra keçirilən mətbuat konfransında Vüsal Əliyevin bəzi qərarlarının yanlış olduğunu bildirib: “Meydanın vəziyyəti ağır idi. Buna baxmayaraq, oyunçularımın əzmkarlığı məni razı saldı. Fikrimcə, qapımıza təyin olunan penalti düzgün deyildi. Elə penaltilərin 5-ni rəqibin qapısına təyin etmək olardı. Üstəlik, Rail Məlikova da qırmızı vərəqə verməli idi”.

Qeyd edək ki, “Neftçi” - “Bakı” oyunu 1:1 hesabı ilə başa çatıb.

• Arda Turan Ukayna klubunu çalışdıracaq
• “Əl Nəsr” Ronaldo ilə yollarını ayıra bilər
• "Trabzonspor" – "Qalatasaray" matçı bu kanalda
• De Bruyne "Liverpul"a keçəcək?
• "Arsenal" heyətini ispaniyalı yarımmüdafiəçi ilə gücləndirəcək