“Xəzər-Lənkəran”la qarşılaşma bizim üçün vacib oyun idi. Həm ilk dövrədəki məğlubiyyətin əvəzini çıxmağı, həm də qalib gəlməklə, "ilk altılığa" düşməyi hədəfləyirdik”. Apasport.az-ın Peşəkar Futbol Liqasının rəsmi internet saytına istinadən məlumatına görə, bu sözləri Zaqatalanın “Simurq” klubunun baş məşqçisi Roman Pokora deyib.

Unibank Premyer Liqasının XIX turunun “Xəzər-Lənkəran”la görüşündən sonra keçirilən mətbuat konfransında iştirak edən ukraynalı mütəxəssis 1:2 hesabı ilə uduzan yetirmələrindən razı qalıb: “Komandamız yaxşı oynadı, futbolçularımdan da razıyam. Qələbə qazana bilmədiyimiz üçün təəssüflənirəm”.

“Xəzər Lənkəran” klubunun baş məşqçisi Ağasəlim Mircavadov tərəflərin yaxşı futbol nümayiş etdirdiyini bildirib: “Hər iki komandanı göstərdiyi oyuna görə təbrik edirəm. "Simurq"a gələcəkdə uğurlar arzulayıram. Qarşıdakı oyunlara da ciddi hazırlaşıb, bu uğuru davam etdirəcəyik”.

Qeyd edək ki, “Xəzər-Lənkəran” fevralın 13-də keçiriləcək qarşıdakı turda “Qarabağ”la görüşəcək.

• Arda Turan Ukayna klubunu çalışdıracaq
• “Əl Nəsr” Ronaldo ilə yollarını ayıra bilər
• "Trabzonspor" – "Qalatasaray" matçı bu kanalda
• De Bruyne "Liverpul"a keçəcək?
• "Arsenal" heyətini ispaniyalı yarımmüdafiəçi ilə gücləndirəcək