Litva milli komandasının yeni baş məşqçisinin adı məlum olub. Apasport.az saytının məlumatına görə, Raymondas Jutautas yığmanın yeni çalışdırıcısı təyin olunub. 37 yaşlı mütəxəssis bu postda portuqaliyalı Joze Kuşeyranı əvəzləyib.

Avro-2012-nin seçmə mərhələsində 2008-ci ilin Avropa çempionu İspaniya, həmçinin Şotlandiya, Çexiya və Lixtenşteynlə mübarizə aparacaq litvalıların yeni çalışdırıcısının futbolçu karyerasının bir hissəsi Rusiyanın “Alaniya” klubu ilə bağlı olub. Jutautas 1997-99-cu illərdə oynadığı Vladiqafqaz təmsilçisində Azərbaycan milli komandasının sabiq futbolçusu Nazim Süleymanovla birlikdə çıxış edib. Maraqlıdır ki, hazırda “Olimpik-Şüvəlan”a rəhbərlik edən 45 yaşlı mütəxəssisin yığmamızdakı yeganə oyunu da Litva millisinə qarşı olub.

• Arda Turan Ukayna klubunu çalışdıracaq
• “Əl Nəsr” Ronaldo ilə yollarını ayıra bilər
• "Trabzonspor" – "Qalatasaray" matçı bu kanalda
• De Bruyne "Liverpul"a keçəcək?
• "Arsenal" heyətini ispaniyalı yarımmüdafiəçi ilə gücləndirəcək