Bakının “Olimpik-Şüvəlan” klubunun moldovalı futbolçusu Sergey Laşenkovun oyun satması faktı rəsmən təsdiqlənib. 30 yaşlı müdafiəçi hələ “Karpatı”da çıxış edən zaman Ukrayna çempionatında səfərdə Xarkovun “Metallist” klubuna böyük hesabla uduzduqları (0:4) matçda bilərəkdən zəif oynaması son günlərin əsas müzakirə olunan məsələlərdən biridir. Apasport.az saytının məlumatına görə, həmin görüşdə ilk qolda səhv edən Laşenkov ardından avtoqola imza atıb və qırmızı vərəqə alaraq, meydandan qovulub.

2007/08 mövsümündə baş verən bu görüşlə bağlı Ukrayna Futbol Federasiyasının (UFF) Etika və Təmiz Oyun Komitəsi araşdırmalarını davam etdirir. Onların yaratdığı əlavə komissiya UFF-nin sərəncamında olan videoyazıda satma faktını etiraf edən futbolçunun şəxsiyyətini dəqiqləşdirib. Komitənin sədri İoqr Koçetov bildirib ki, həmin futbolçu indi Azərbaycandadır: “Bu, Sergey Laşenkovdur. O, Moldova vətəndaşıdır, hazırda Azərbaycanda oynayır”.

• "Siti"nin futbolçusu Bundesliqa yolunda
• Immobile "Bolonya"da
• Teo Hernandez “Əl-Hilal”da
• "Fənərbaxça" lotereya qazandı: Transfer qiyməti ilə tarixə düşəcək
• Orkun Kökçü İstanbula gələcək